تاريخ طرح اغنية ماجد خضير الجديده السبيعي كل طالة فخر قد طالها
١٧ يوليو ٢٠٢٥
كلمات اغنية السبيعي كل طالة فخر قد طالها ماجد خضير 2025
السبيعي كل طالة فخر قد طالها
صب لي بنً مابهرّ بهيل وزعفران
لو قطع فالمملكه دولته نعنى لها
نادر مايجلب من اليمن ولاعمان
يقطف من اثوبيا من علو جبالها
هو قناد الراس لامن غدت عشره ثمان
ماحسّب طول المسافه وكثر اميالها
ويستويلي حبكة القاف من سحر البيان
وكل فكرة نادره قمت اتل حبالها
لاسمعها الناقد يقول صح الله لسان
من كتبها وعاش صوتٍ بلحنه شالها
والمدايح ماتليق بولد لاش وهدان
اعتبرها سقطه لكل شاعر قالها
ماتبا الا واحد كفو مايرضى الطمان
تستلب بيوتها ويطربك موالها
مثل عبدالله بن فهيد لامن قيل زان
المراجل كلها شاربً فنجالها
بن فنيسان له سيره مايمحاها الزمان
وجود كفه غيمةً ماوقف همالها
وارثً طيبه من فهيد وفعوله سمان
ومن زحول سبيع واطيب رموز ابطالها
من هل العشر المردف طويلين اليمان
والسبيعي كل طالة فخر قد طالها
ربعه الغلبا الشهيره هل البوش الزيان
عزوة من طيبها فارقه بأفعالها
لاحضر بالنايفات النخب فالمهرجان
كنه يقول الاوايل ترا حنا لها
ندر وضح الله عطاها شموخ وعنفوان
والجوايز لاحتمى شوطها تعطى لها
رقمها الاول نعرفه قبل فرز اللجان
رقمها اللي مايزين ويليق الا لها
المنافس ماله بشوطها رقم ومكان
علم اهل الوضح لو تستخير اشوالها
مايهم فلان لامن حضر ولا فلان
والله ان النايفات الصحيح لحالها
اغنية السبيعي كل طالة فخر قد طالها ماجد خضير 2025 بالكلمات مكتوبة كاملة من كلمات ماجد خضير تم طرح اغنية ماجد خضير الجديدة على القناة الرسمية على اليوتيوب بتاريخ ١٧ يوليو ٢٠٢٥ كوبليه كلمات اغنية
- كلمات : ماجد خضير
