كلمات اغنية الطيب الدندون ماجد خضير 2025

 الطيب الدندون

الايالليل وش طرا القصيد وخاطري مشحون

سلبت النوم وسراج السهر شبيته وطفّه

انا شاعر ليا منه تمّثل والقصيد شجون

يسج مع الهجوس ويلعب المسباح في كفّه

أوردها على ميراد عزّ مايجيه الهون

ومثلي مايصدّر لين يستوفي على شفّه

ليا زمّ الخبيث اللي بلاه الشر والطاعون

اشوم بهيبتي وادرا مقامي عنه وازفّه

لبسنا الجوخه الحمراء وطاس وسيفنا مسنون

قبل لا تبلس العالم شماغ وعقل والدقّه

بسابق عصرنا الاول وهذا العصر ياميمون

وحنى الشيخ والفارس وعز النفس والعفّه

نزلنا نجد يوم ان القبايل طاعن ومطعون

قبل لاينزل التاجر بها ويسحب غرفه

مراكض خيلنا تبطي بها الايام ماينسون

تواريخ نثبتها بلا تدويره ولفّه

وحنى أسلاف قوم تردع الصاحي على المجنون

وهيبتنا وقوّتنا تصيب العقلّ وتخفّه

ولاذمّ العرب نوفي وهم في حقهم يوفون

خذ حقوقك وحق الناس لا تستنقصه وقّه

وانا ماني بحب المدحه اللي مالها مضمون

ولاحب النجاح اللي يجي بالدّف والحفّه

ولاكنّي قسم بالله احب الطيّب الدندون

أقدّر موقفه واغليه واقف معه في صفّه

كثير الطيب واهل الطيب والطيبّ عليه نمون

لاكن شاهر خلف كفّه وباق الناس في كفّه

ولد عمي واخوي اللي ذخرته لشدايد عون

ياكم من مطلقً لاشان وقته يزبن بضفّه

عسى يفداه لاش مايعرف السلم والقانون

ضعيفً مايسّر أن كان في شفته وفي أُفّه