كلمات اغنية الظروف القاسية ماجد خضير 2025

الظروف القاسية

الشعور اللي يجيك ويترك احوالك سقيمه

يصبح الصبح وعيونك ماتهنت بالرقادي

عادتك ياليل تجمع لك نديمن مع نديمه

دام ماجمعتنا وش له تذكرنا البعادي

صاحبي ماعاد يجمعنا سوى الذكرى الاليمة

افترقنا عن بعض رغم اجتهاده واجتهادي

تنرسم ملامحه لا شفت لي في الجو غيمه

تمطر الغيمه ولا تلقى مصب الا فؤادي

الظروف القاسية في حقنا سوت جريمه

هاجمتنا عاصفتها عقب كان الجو هادي

انتصار الرأي بعض أحيان ماله اي قيمه

ماهو بمثل انتصار اهل القيم وأهل المبادي

ياهجوسي كان لي عندك قدر ولا حشيمة

جمل الأبيات واللي جاي ماهو شي عادي

عادل ابن سعيد راعي الطيب والكف الكريمة

طيب فعله والله انه مثل نور الشمس بادي

عادل ابن سعيد تشهد له مواقفه العظيمة

صفحتك يابو فهد بيضاء ولا فيها سوادي

فخر بلحارث عسى ربي لبلحارث يديمه

حصنها اللي تزبنه لاجات حزات الشدادي

جدك رويجح وابوك سعيد والنشأة سليمة

وش يردك لا يجي في الطيب لك بصمة ايادي

فزعة المحتاج لا جا يشتكي همه وضيمه

تقضي الحاجة ولا تاقف مواقيف الحيادي

تقدم ولاتحسب حساب العواقيب الوخيمة

كانها جت طيب ولا جبتها غصب وعنادي

والشواحط ربعك وجنبك قويين العزيمة

قاعدتهم مايذوق العز خمام الوسادي

خصمهم وقت اللقى والله ليبشر بالهزيمة

لن بغاها بالسيوف ولن بغاها بالهنادي

مجد بلحارث تليد وتشهد عصورن قديمة

ارث له قوه وله تأثير صندوقن سيادي

ربعي اللي ماانخلق فيهم ضعيفين الشكيمه

جمرتن لا ولعت والله مايطفيها الاعادي