كلمات اغنية العمر ديّان ماجد خضير 2025

يالله انك تنصر الطيّب وتنصر دينه

واحفظ اصحابي وكثّر في الزمن عذالي

دامني عند ظن كل طيّب ومالي عينه

ماعلي من الضعيّف لو يسب ظلالي

الكفو الله خلقني احشمه واعينه

واقضي بوجهي لزوم الطيّب وبريالي

كل ماجيت اتردى في الردي واهينه

ردني عمي عن دروب الردى مع خالي

من يحسْب ان الحياه الفانيه فـ يدينه

ضاع عمره يشرب المر ويحسْبه حالي

ثلث عمرك لايروح وتلْحقه ثلثينه

وانت مالك ذكر من اول ولا من تالي

العمر ديّان والطيّب يسدد دينه

قبل لايصبح من الدنيا مكانه خالي

جعل عمر اللي يوجّب من نصوا لافينه

ماقصر لو تقصر سنيني وينقص حالي

شروى ابو ماجد عطاالله لو تزيد سنينه

زادنا طيبً يخلي مستوانا عالي

خالي اللي لازهمته فزعته في حينه

كن ربي خالقه لكل فزعه والي

من تهقوا به ماهمّته الصدوف الشينه

ومن تذرا به يعيش العمر كله سالي

واحدً مافيه زيّه في الزمان اثنينه

كيف مابرّه ووصي فيه حتى عيالي

الجمايل والجزايل دايماً روتينه

مرخصً حاله وماله للرفيق الغالي

ذخر شيخً مايخيّب من لفوا ناصينه

سيرته تحكيبها الاجيال للاجيالي

ابن سالم لا احتمى الماقف ماقالوا وينه

حاضرً ينهي الامور ويلطم العيّالي

لو يموت الكفو ماحنا ترى ناسينه

وافتخر باسمه واطوّح غترتي وعقالي

وْ لاد ذايب فزعت اللي ربعه مخلينه

نصرة المظلوم ربعي ملحقين التالي

نجزي الحسنه وكل عهدً لنا موفينه

وان عطينا اهتز منا الاقتصاد المالي

الحواتم ماخذينا هالاسم شارينه

اخذينه بالكرم والطيب والافعالي