كلمات اغنية المقام الرفيع ماجد خضير 2025

يقول شافي هلا ي مرحبا بالجميع

في ليلةً من حساب اليال عيد السنه

يامرحبا بالضيوف اهل المقام الرفيع

من الضماير قبل تنطق بها الالسنه

ترحيبةً بالضيوف وقدرها مايضيع

والي على سلم جده مايجنب عنه

حضوركم ياوجيه الخير مثل الربيع

لحضوركم نحرق الكمبود فالمدخنه

في حفلة الشيخ شافي كل صعبه تطيع

ويفرح به الي من الوقت الشحيح زبنه

ايقدم الكيف ويقدم عذوق الطليع

ويقدم الطيب لو فالسوق غلي ثمنه

شيخً بدى بالكرم والمرجله كل ريع

الضيف يقلط ويلقى واجبه بصحنه

ايبرك الحشو لضيوفه وصدره وسيع

صح الله يمينه الجزله وصح بدنه

وفي خدمة المملكه والدين حصنً منيع

كم طاغيً حب راسه في رحاه طحنه

المورقي يحتمي حده وراسه شجيع

العمر دون الوطن على الشرف يرهنه

الي يبا فزعته يلقى مقامً سريع

ليا بغى المستحيله عودت ممكنه

مذخورةً له من الاجداد حد الوريع

الاسم شافي وشافي ياخذ اسمه منه

والله يبارك لفرسان المقام الرفيع

عيال شافي وطيب الاصل من معدنه

يالله يامنزل تبارك يالحميد السميع

اكتب لهم فالحياه من الزمان احسنه