كلمات اغنية اهل الجماله ماجد خضير 2025

اهل الجماله

ي الله المعبود علام السريره كافل رزق الفتى جل جلاله

إن بدعت القاف بدعه مستعيره وإن مدحنا المدح نقينا جزاله

والمديح يقال في بالاسماء الشهيره والرجل يحمى كلامه كان قاله

شرهت الطيب على الطيب كبيره والشعر تاريخ والمعنى إرساله

والله إن الطيبين بكل ديره والجمايل مالها الا اهل الجماله

لي رفيقن يختلف عن وضع غيره يتفرد في مواقيفه إل حاله

ابو ماجد شيخ من رؤس العشيره مايخيب ظن محتاجن عنا له

له مع العالم مواقفن كثيره عن عطا يمناه ماتعلم شماله

بن جزاء له سيرتن ياحي سيره كم رقبتن دونها يرخص حلاله

من شبابه والعقيلي ذا مسيره في ذراع المرجله ثاني عقاله

إسمه المعروف بقطار الجزيره كل علمن زين توجد به خصاله

الله اللي مانحه بصر وبصيره *ينطح القالات ماجاها أختاله

كل مازادو بطيب يزيد خيره المراجل مكسبه من راس ماله

إن حدانا الوقت والدنيا العسيره لانصيته تصبح الدعوه سهاله

إبن عمي وامدحه وانا ذخيره لادرج حبل الرشا فوق المحاله

عن حقوق الربع ماطاوع شويره لين صار اسمه كما اصحاب الجلاله

الخصيم ليا ابتلاه وطق زيره ارسله لمقيط مع دربه حباله

ماتسمع في العلوم ولا تثيره منزله رؤس النوايف من جباله

الحسود ان طاوله يلقى مصيره خصمته ترجع مثل كفو البياله

هرجهم مثل الاخله في المريره مااذكر لي ذئب من جحر الثعاله

والسلام مع العذر فوحت عبيره عد ماخيل من القبله خياله