كلمات اغنية اهل الطيب ماجد خضير 2024

اهل الطيب

كريم يابرقٍ سرى ساريه في عرض الخيال

نوٍ ليا منه لمع برقه .. يسر الناظريين

كن البروق سيوف هندٍ خضبت يوم القتال

وصوت الرعد ماكنه الا مثل ضرب المارتين

ساقت مخاييله من المنشا بأمر رب الجلال

وارخت مناكبها على مدهال جرعات الحنين

يمشي على هونه يجر اخطاه ومزونه اثقال

ونفح الصبا تقهر مقاديمه ليا هل الغشين

وبعد انهمر وبله على خد الثرى والسيل سال

اسبوع وتشوف النبات يفوح ورد وياسمين

والشعر في الازم حضر من قبل لا انادي تعال

مابه غريب اليا خطفت البيت قبل المبدعين

شاعر واجمل واصخر الابداع مغنى وارتجال

وارهي على اللي تتعب الشعار والمستشعرين

من شان طارق بنحتّ الابيات في صم الجبال

في حفل خاله صارم الميقاف والحرز المكين

الرجل لامن طاب قالوا طاب من فعل الخوال

الخال فعله يجذبّ بناخيه قبل الوالدين

تجارب اهل الطيب تبقى ماتغيرها الليال

وحنا على ممشى ومنهاج الرجال الاوليين

يامرحبا ترحيبةٍ تهدا .. على اكرام السبال

اعداد ماهب الهوى في كل وقت وكل حين

العود الازرق يجتول والكيف من صفر الدلال

من بعدها حياكم المولى على سمن وسمين

يقولها منصّح زبون الطايله في كل حال

اللي جمعها كلها طيب وكرم دنيا ودييين

منصى ربوعه والوفاء معروف في سمح القبال

ومن الكرم يمناه مثل الغيث من عقب السنين

مواقفه تشهد مع العربان وعياله عيال

روسٍ على كل النوايف فعلهم دايم يبين

متيهين الوضح لاطاح .. الحيا يم الشمال

وان فاح نبت الصيف ماتقهر عنه لو كان وين

والصفر من هيباتهم طاشت على كل الحلال

اللي نقوها وارخصو من شانها كل الثمين

صفراً غواربها طوال وسند وارقابٍ طوال

واللحي طافح كنها تسبر نجوم الفرقدين

في وسطها الكايد قعودٍ كفو ورقبةٍ عدال

معمقٍ ساسه وزينه فارقٍ عن كل زيييين

ياعيال منصح كاسبين المرجله في كل حال

يا اهل الوفاء والطيب والطاله كعام العايلين

والليله المحفل كبير ويجمع زحول الرجال

في حفل ياسر صامل الوقفه وعون المستعين

انت المجمل ياوريث المجد ياواف الخصال

تشوف فعل المرجله والطيب كنه فرض عين

جمايلك مع ساير اهل الطيب ياعسر المنال

وكلمة نعم مكسبك .. يالنادر عشير الغانمين

من عزوة الصفيان مروين المراهيف السلال

اهل الظفر واهل السطر روسٍ تضد المعتدين

عشاقة الطاله ،، مواردها على العد الزلال

اللي لو اتدف الجبال الشم خلتها طحيين

لاد النفاعي فزعة الويضاح والبكر الهجال

آليا اعتزو من دونها .. تارد بعزمٍ مايليييين

كم فارسٍ من فعلهم لاطاح لايمكن يشال

ماله جدى الا يضرب الكفين ويجر الونين

احسب من الفرسان عشره واحسب النفيعي لحال

وتلقى النفيعي من ورى .. هقواتهم واقوى يمين