كلمات اغنية اهل المفاخر ماجد خضير 2025

 اهل المفاخر

هبّي على الصدر المولّع ياذعاذيع البراد

حتى أني احذف للهبوب عمامتي وعقالها

قامت تعاندي هجوسي مير أنا كلي عناد

اليا عصت فكره لقيت من الخيال بدالها

واليا نخاني ولد عمٍ ساعة الماقف سداد

يامر ويبشربي وانا عم اللزوم وخالها

الكفو يبشر بالسعد ياجعل راسه فالمراد

وانا عتيبيٍ يبرهن كلمته لا قالها

ترى العتيبي يعتبر رد الوفا مثل الجهاد

والطيبه دايم يجازيها بعشر امثالها

من طيبنا ما احدٍ علينا بالوفا والطيب زاد

والناس ما نجحد مواقفها وطيب افعالها

اطنخ يا ياسر يا حفيد اهل المفاخر والشداد

اللي ولدهم لا ارتكى للكايده يشتالها

وابشر بعزك واعتبر ليلة فرحك من العياد

لو نسحب من العيد ليلة وحده بلحالها

شرواك تنصاه المدايح لا تساق ولا تقاد

مثل الحيا يوم البدو يمه تشد رحالها

يا ذخر عودً ما درا عن شح مورد واقتصاد

طول السنه يكرم ويذبح للضيوف جزالها

يا مرحبا يبراه ريح العود الازرق والقناد

في محفل اللي يامن المطلوب وسط حلالها

لاد المقاطي ربع ابن هندي وربع ابن بجاد

روسً تروس وشجرةً دايم يظل ظلالها

اللـه يحييكم بحلـة مصدر العلم الوكـاد

لا كبـرت القـالات هـم عقّـالها وأثقـالهـا

صَنّاعة المجد التليد السايد اللي ما يبـاد

ليت الفخر ما ينكتـب وألاّ يقـال ألاّ لهـا

والليله الحفله منـورةٍ على غـرب البـلاد

اللـه ينـوّر درب فارسها ويسعد فـالهـا

شبـلٍ جدوده نارهم ماعمرها صارت رماد

يسرج سنـاها من قديـم أيـامـها وإليـالهـا

نعمين بالكرزان اهل صيتٍ عليه الاعتماد

مشايخ عتيبه ومنزال الفخر منزالها

في كل ميقافٍ يشرّف باذلين الاجتهاد

مايحتزم دون العلوم رجال غير رجالها

ولهم مع شيوخ القبايل رفقه وجيره وزاد

سلم الوفا يضمن مكاسبها وروس اموالها

وعتيبه الهيلا قبيله مايجيها الانتقاد

في كل يوم وليل تلقى المدح ف استقبالها