كلمات اغنية بعض الطيور ماجد خضير 2025

يا طير كانك يوم صديت صايد

تراي سامح وأنت ياطير مسموح

غلاك عندي لو تنكرت زايد

كل اشقرٍ له عادةٍ ينكر اللوح

واللي تنكر بالليال الشدايد

وقت الرخا ما من مصافاه مصلوح

للطير طبع وللأوادم عوايد

وكلٍ على طبعه له الباب مفتوح

إما غدا ولا بقى له شرايد

وإلا يجي ما جاه بالدرب ساموح

بعض الطيور أنكر ولا من بعايد

على الحمامه غيبة الشمس مطروح

ترى الوفا والطيب والفعل كايد

ما هي على الفرغه سواليف ومزوح

وأنا بحيل الله صدوق الوعايد

أصبر ولو قلبي معذب ومجروح

لو راس مال مدورين الفوايد

بقى لهم ما صار ناصح ومنصوح

واللي بخيصٍ في معان القصايد

لازم يعرف القصه اللي لها روح