كلمات اغنية حبك العذب ماجد خضير 2024

يا علاج الضايق اللي يعاني من سنين

ويعتريه الهم لا من سَرح ولّا ضوى

انفضي عن صدرك الشك مره مرتين

قبل لا يدخل بقلبك ويتّلف ماحوى

الهوى في حاجة الوصل واحساس ويقين

ماهو بْحاجة محارب ولا لاعب قوى

جيت لك واضح ماعندي يسار ولا يمين

وماني اللي يستغلك بحجة محتوى

شاعرٍ ضحى من ايامه الشي الثمين

كلّها لجلك وغيرك ترا ماله لوا

كل ماغبتي عن العين لو عذرك سمين

ينتهض ذيبٍ بصدره من الشوق وعوى

يْتنفس حبك العذب مثل الاكسجين

ويتقهوى من دلالك ليا منه خوى

سولفي واسترسلي بالكلام اللي تبين

وانثري شعرٍ من المسك والكادي روا

صوتك مْسكن للآلام مثل الاسبرين

يزّبنه شخصٍ ماحصل طبيب ولا دوا

وعينك اللي ضربها مثل ضرب المارتين

كل عاشق من سببها على الارض استوى

اضحكي واستامني والمهم ماتحزنين

ضحكتك والعافيه تجمتع دايم سوا

والله ان الحزن مايدّهلك في كل حين

دام راسي حي وبخير ويشم الهوى