كلمات اغنية ربعي الوعلان ماجد خضير 2025

ربعي الوعلان

سوقوا الفنجال من صفر الدلالي

واحرقوا عود الفرح بااحلى لياله

مرحبا ترحيب همال الخيالي

بكل ضيفٍ شرف الحفل وعناله

وياهلا ويامرحبا في كل غالي

الحفل بحضوركم زاد اكتماله

محفل اهل الطيب وزحول الرجالي

عيال صحي من رياجيل الشكاله

كاسبين النعم لاجاء له مجالي

ذخر عودٍ لا ارتكى للحمل شاله

صحي اللي منزله روس الطوالي

وارثٍ طيبه وصيته في عياله

يالله انك ترحمه ياذا الجلالي

راعي الكف النديه والجماله

وابتدا ليل الفرح واحلى اليالي

يوم شفنا سنيد في يوم احتفاله

ياسنيد افرح وكشخ بالعقالي

والبس البشت وتبخر عود اصاله

ياعسى مبروك ياقرم العيالي

انت شبلٍ كاسب علوم الرجاله

ياعريب الجد من عمٍ وخالي

دامت افراحك على عزٍ وطاله

ويا محيا لو كتبنا بالمقالي

انت كفو وكل نوماسٍ تناله

محزمك ظافر سنافي مايبالي

حاضرٍ في لازمه ماضاق باله

واستوا بدع القصايد والجزالي

في مقام اللي لهم سمعه وقاله

ربعي الوعلان وافين الخصالي

اخوان سلمى لاانتخوا في كل حاله

محزمٍ وقت اللوازم والثقالي

كل منهم يحتمي الماقف لحاله

ولابتي عرمان مروين السلالي

الرجال أهل الشجاعه والاصاله

عزوتي يحسب لها باول وتالي

مارضينا بالمهانه والبطاله

من يخاصمنا ندوسه مانبالي

ومن يخاوينا تنومس حي فاله

الكرم فينا مع الشرياني سالي

سلمنا والضيف نكرم له سباله