كلمات اغنية ركن القبيلة ماجد خضير 2025

 ركن القبيلة

يقول من عدّا طويل المراقيب

حيدٍ من جبال الحجاز الطويله

مايدهله غير أشقر الريش والذيب

واللّي على صدره هجوسٍ ثقيله

ساعة تميل الشمس من سدّه اتغيب

ويدف بركونه مزون المخيله

ماعاد والله عن مراقيه تجنيب

مادام في صدري زناد وفتيله

أجرّ صوتي في طويل الاشاذيب

واللي يجنّب لازمه عزتي له

حتى ليا منّه دعى الداعي اجيب

عصماءٍ تجمّح مثل بنت الكحيله

لجل مقام مكثّرين التراحيب

في ليلةٍ تسوا ثمانين ليله

سلطان ابن ناصر حصان الاطاليب

من طيب حفله مايبي له دليله

سيفٍ نماريبه عطيب المضاريب

واللّي على يمناه هيلاٍ مهيله

مايلحق المطنوخ شكٍ ولا ريب

هذا سليل أهل السيوف الصقيله

حنا يابو ناصر ترانا معازيب

واللّي تبيه يصير بـ اهون وسيله

ميعادنا حفلٍ يذغدع به الطيب

وكيفٍ يعدل الراس بنّه وهيله

يامرحبا بمكمّلين المواجيب

الله يحيّي كاسبين الجميله

ترحيب شيخٍ من كبار المناصيب

ناصر بن مجيديع ركن القبيله

عن لازمه مايذخر المال فالجيب

واليا أرتكى للنوب متنه يشيله

ننصاه لاجات الامور الاصاعيب

ويحل علمٍ صعب مافيه حيله

منصى بني عمّه ومنصى الاجانيب

فارق بميقافه و فارق بجيله

يوم ان الارياء تخطي العلم وتصيب

رايه يعدّل كل من فيه ميله

من روس قومٍ يوم سل المحاديب

الاد منعر مفحمين الاصيله

دغالبه والجد الاول دغيليب

ولا عليهم حاجةٍ مستحيله

ركنٍ من الهيلا طوال الاشانيب

ياحي الاسم وحي من ينتمي له

اتزبّن المضهود و تورّد الهِيب

يوم الزناد ينوش رأس الفتيله