كلمات اغنية ريمية قصيد ماجد خضير 2023

لاحت تباشير الفكر في عرض وسمية قصيد

فيها البروق اتلوح والرعاد دويه ورزمه

تشبه لنونً قد طوت ليام ذكره طي قيد

سنة تربع مملكتنا من سكاكا ليدمه

شاعر واصيد الفكره الذاير وانا قناص صيد

ماني وانا فواز احط الوسم فوق موسمه

لي نضره وكلمه ولي هقوه وهوماتي بعيد

شعرً ورثته مالحد فضلً علي ومكرمه

اقطف ثمر مادور الي طاح من طلع النضيد

وان جيت للبحر اسبحه وان جيت لضلع ادحمه

مير الليالي بيدت عزمي لو انه من حديد

اثر الليالي لاتلوت بالقوي ماترحمه

مايذبح الرجال ويسمه لو ان راسه عنيد

الا الهوى لاطاح مايسلم ولا الله سلمه

حبيتلي غيداً فرقها الله مهي بيات غيد

لبيه ياذاك القبال الي خذاني درهمه

الوجه قطعه من حلا والفم قطعه من جليد

والخد جمرً يصطلي والموت عين وسلهمه

ماهيب ريمية فلا هاذيك ريمية قصيد

ام الجديل اليا انتثر تقول كيف تليمه '

الله عطا والله فرق والله خذا والله يزيد

هاذي قمر خمسة عشر نوره جلا كل اعتمه

والجيد مضرب للمثل يفرق بزينه كل جيد

امجوعه ومشبعه ومعزله ومقسمه

مهما وصفته بالبيوت ايقوللي هل من مزيد

استغفرالله كنها هي بهواها ترسمه

تبون عاد الي عليه العلم والشي الاكيد

الخافي اعضم مير يردعني حياي اعلمه

من يوم راحت لي سنه وانا وقلبي مانهيد

من يوم قصر احلامنا جاه الفراق وهدّمه

قولو لها تمد حبل الوصل واقف من جديد

ولارفعت بضدها دعوه لقاض المحكمه