كلمات اغنية طرقة بعيدة ماجد خضير 2025

ارمي شماغي واكن الهم والطرقة بعيدة

طرقتي ماهي بطرقة شاعرً دوب متعلم

والهقاوي تدفع الرجال وعزومة شديدة

راحت الايام مابين المداقش والمسلم

مرخصٍ حالي ومالي للكفو و انا رصيده

ما أتعدى فوق كتف القرم واستخدمة سلم

والوظيفة تشغل الرجال واحلامة فقيدة

كل حلم يمرني فالوقت ماضني يسلم

يا وجودي وجد عودً لا عيال ولا بديدة

والفقر غربل حياته لو هرج دمعه يعلم

والحقيقة ماعلى الدنيا مقيم ونشيدة

من رضى في الواقع الملموس ماعاش متألم

والمعاني فالشعر تاخذ من عيون القصيدة

والعراقي في عراقة ون ويقول متظلم

والبلا بعض القلوب السود والخطّر حسيدة

والسلام يبيّن الاوضاع واسلم يا مسلم

ما تبيح هموم صدري لو ورا صدري وقيدة

والسواد اللي تحت عيني من همومي تولم

حاشم اسمي عن ملاقيفً يعشقون النقيدة

سيفنا المعروف ما اواجه به سيوفً تثلم

ليت للرديان سوقً لو ورا باب الحديدة

والفراسة والنباهه تكشفة قبل يتكلم

كل ذيبً حد نابة جاة قناصً يصيدة

وال مرة من سرقهم جرتة باسمة تعلم