كلمات اغنية طويلين الذراع ماجد خضير 2025

طويلين الذراع

قرب لي الي كيفها دايم علاج(ن) للصداع

حتى علاج(ن) للجروح الي بعضها مزمنه

من عقب ثلثينً مضت والصبح بادن له شعاع

جاب القصيد الي لا صح لسانه يصح بدنه

انا على شعر المدح ماني سريع الاندفـاع

ادور الي يكسب بجزل المواقيف رهـنه

ود اني اكشف عن قلوب الناس والشعر القناع

وامجـد الي كم لي ادور مديحه من سنه

المدح مايزهى الردي يقلط على راس الشجاع

راس الشجاع المدح في شرواه واجب واحسنه

فهد ومن طيبه يجيه المدح من شتى البقاع

المدح نعرف قبلته والطيب نعرف معدنه

انشـهدنه هالبرازي من طويلـين الذراع

يبهج صدور الناس ترحيبه ويسرف بصحنه

مورثه عود(ن) يقول العمر والدنـيا متاع

ما زال صيته حي لو انه رقد وسط كفنه

يامرحبا من يوم رحب في ثنيات الوداع

الي تحرى شوفة محمد وغنى بـلحنه

بضيـافة عيال الكريم الي مـكارهم تشاع

كم من صعيبه عند ذخر عبيد صارت ممكنه

ترحيبهم دايم قناد الضيف لحد النخـاع

اليا اجتمع عقب القبال الزين هرج الالسنه

يوم الزمان يحد سيفه واغلب العالم جياع

كم من كريم جاء مجالسهم بفقره ودفنه

عند البرازات الوفا والطيب كله باجتماع

اصغر ولد فيهم فعول الطيب دايم ديدنه

امن السهول الي تقدم ما تراجع للدفاع

يوم الشجاع يذاع صيته والردي مدري عنه