كلمات اغنية عالم اشباحي ماجد خضير 2026

سرى الليل واللي يسري الليل من همه

مواصل على موال يالاح يا ملاحي

يدور ملاذ من الهواجيس وتخمه

ولاخمته ماعد يدري وش يناحي

ابا اعيش جوي في فضا محد يمه

وأكافح لحالي وأتعلم من كفاحي

وابا افضل العزله عن الضول واللمه

وابشري خسارة ناس واجد من ارباحي

وباب العلاقات كثيره مع الأمه

ابا اقفله بالقفل واطش مفتاحي

ياكثر الرجال اللي ما تبرابها الذمّه

وياقل الرجال اللي مثل خالد مناحي

عموماً يقول الشاعر اللي نزف دمه

انا منجرح واكثر جروحي من رماحي

وكل ادمي يحسن الظن في رمه

ابشركم انه رايح مثل مرواحي

بدأ الهم ياكل مني اكثر الهمّه

وبدت تنتقم من عقلي خيوط مسباحي

ادمدملي مطمه واسوي لي مطمه

سلاحي شعر والخوف كله من سلاحي

ياعين تقول تتطالع الناس من قمه

انا اقابل في حزنك بكامل افراحي

جمالك ماخلا سيرة الماضي مهمه

ونواعسك هذي جننتني وانا صاحي

تعالي عساني ما اتعوضك فـ ابن امه

ياشيهانةٍ ماتاثق إلا فملواحي

كسرني زماني كسرة تجبر بضمه

تزبني لعالمك من عالم اشباحي

اذا العمر معك الله يتمم لي اتمه

واذا الموت فيك الله يجعلك ذباحي