كلمات اغنية غيبوبة الاسراف ماجد خضير 2021

أنا البارح على مهياف وهجوسي على مهياف

ولا أدري وش نهايتها عسى الله يكتب الخيرة

أدور مــن يغني لي وغنــت لي سيور الهاف

ولــو أني أنا والهـاف لا صحبة ولا جيـرة

ولكـــن المشاعـــر يحتظنها الخاطر الميلاف

قبل لا يبتدي ليل القصيد يفك زريـره

أمارس دور إبن خلدون في الفكرة والإستكشاف

أعيد الهيكلة وأبني على سطـح القمــر ديــرة

ركاكة بعض أساليب الرواية محتواها جاف

ما تعطي حـل والأولــى تراها بنت الأخيــرة

وإذا مافيـه للواقع من أصحاب القـرار أنصاف

معايير الحياة تصير في عــزلة وفــي حيــرة

حلمت إني على رؤوس المشارف وأرمي الأهداف

وأبي من هو يوضح لي مدى حلمي وتفسيره

جذبني بارق الرفقة وجانـي للمديح إشعاف

وأنا وسط السماء وأسمع صدى لجة جماهيره

تبون العلـــم وإلا ما تبـــونه للذهب صراف

ومن غـيره، ومن غيره، ومن غيره، ومن غيره

تجي عنده وتركع له من الهيبة حروف القاف

مطيرين جمـع شمــل الكمـال وعـاد تحريره

هذا عيسى بن بريك الجبيل مشتت الأحلاف

عليه العـــلم والجــزلة يسوق لها مظاهيره

وريث المجد عم وجد في بحر الكـرم جداف

وعلــى ضفة فــرات المرجلة ترسـي بوابيــره

مجالس قصرة العامر تشيل أمن الجموع ألاف

توافــد له شيــوخ القـــــوم ويذبـل مخاسيــره

يرحـب بالطــراقي والذبايــح عنــدها السياف

مــذرع ويتلفت في الجبيــل وفـي مساييـره

طغى جـوده عليه وعاش في غيبوبة الإسراف

ولا يصحا بعــدها إلا بتهليلة وتكبيــره

نعــرفه والسنيـن سمـان ولا والسنيـن عجاف

سحـــابه يستبيــح القاع ويركـد معاصيــره

مادامك في ذراه وتحت بشته ما عليك خلاف

عطاء الأحـزان تأشيرة خــروج وختـم تسفيـره

على متنه تبي ترجـع ثقال المعضلات خفاف

يحـــدرها ويسندها حصــان الماد وبعيــره

تولع فـي هواء ذودة ولا له بالهواء محــراف

يفرشها طرف كبده وترعى الخير من خيرة

مرابيعه على الحد العراقي وأول المصياف

يقطف من زهر نبتة الجنوب ومـن نواويره

مغاتيرن عليها من جلال الصافنات الحــاف

خبوت الأرض تصبح من تحتها حبة شعيره

وساع نحور وجنوب عريضة والرقاب إسخاف

تعلــوى فــوق كان البيب بالعتــن مـواصيـره

تبجــح بالغــرور وفي طرفها حامي الأطراف

مطيــري جمـع شمل الكمـال وعــاد تحــريره

مطيــري جمـع شمل الكمـال وعــاد تحــريره