كلمات اغنية قبايل مطير ماجد خضير 2025

 قبايل مطير

بين فصل الخَطَاب و صحوتن بالضمير

كل جـزله .. تهيّض هاجسن ما سـلا

أزهلوني .. شبا مهند و حدن شطير

و أخذو بعمري الباقي لكم : من الى

ربعي .. إن قدمو أسمي لجمعن غفير

قلت جعلي ما عَـدم ربعي ولا اخلا

في مقامن لأبو (أبشر) و (تم) و (يصيـر)

عمي : شهود ربي عن وفاه المـلا

الله يبارك لسلطان و لا لي مطِـير

عن مقام اجذبتي له دوافع غـلا

ابن عمي .. ليا كبرت و قر القرير

اشهد انه مجملنا بذكر أعتلا

بأسم ربعي نيـابه عن قبـايل مطير

ياهلا مرحبا .. يا مرحبا .. يا هلا

ربعت(ن) ما يجفلها صياح النـذير

ذكرهم فال ( نعّم ) وخير ودفعة بلا

أبك حنا نكفكف بالكثيـر اليسـير

لين صرنا مقر اكرام و غوث ابخلا

عـلم اللي نـوانـا بالقـشر : يستخـير

نجازي اهل المعاريف ونسد اعملا

كل ما طال ضل و لا قصرهّ الهجير

وكل ما طال ليل و بان صبح انجلا

أتعزز بكبر أسمي و الاسم الاخير

مدح ماهو لنا يامطير مابه حلا

وكانها بالخَطَاب وصحوةن بالضمير

ياهلا مرحبا .. يا مرحبا .. يا هلا

راعي الأوله .. شاف الوصيف الأخير

يدري ان الوفى لـ مطير : من و إلى