كلمات اغنية قريب الكمال ماجد خضير 2023

تابوا الناس وأنا بالهوى كيف أتوب

لي شعورٍ غريب وخافقٍ مهتوي

أتضايق ليّ حان المساء والغروب

لا صديقٍ يونسني ولا به خوي

كل ليلة على راسي تهب الهبوب

ناموا الناس وعيوني طوتني طوي

صرت بين النجاح المحتمل والرسوب

حيرة ما تفارقني وليل سروي

حيرة ما تفارقني وليل سروي

راسي يا اللي لصكّات الزمان معصوب

يبتهج مرة ومرات يكوى كوي

يا قريب الكمال ويا بعيد العيوب

والله إني قبل ما أشوف زولك قوي

لكن اليوم ضاقت بي وساع الدروب

جعل من لام قلبي طيحته تستوي

رميتك خلت القلب الصحيح معطوب

وعاقل القوم يمكن من سببك يغوي

وعاقل القوم يمكن من سببك يغوي

أتظاهر بعزمٍ مثل وبلا النصوب

مير في داخلي شيٍ لواني لوي

أثر بعض المعارك تستحق الهروب

دونها رمحٍ أمطنّا وذيب يعوي

كيف أسيطر عليك وكيف أخوض الحروب

وإنت نورك لو ينوش النجوم تهوي

أعترف بالغليبة يوم صرت مغلوب

واعترافي لعله دافع معنوي

واعترافي لعله دافع معنوي

الهوى يذبح الرجال من كل صوب

من عيونٍ سهمها قام يدوي دوي

ماتوا أهل المحبة من شمال وجنوب

بين قلبٍ شجيع وبين راس حموي

لا توجّه لي الحقران وأنا محسوب

ريشة الحر ودك تشتويها شوي

وإن تواجهت أنا وياك صدري رحوب

طّيب الطبع وسلومي سلوم بدوي

خل عيني بعينيك لا جهلت القلوب

تدري إني من النظرات ماني سوي

شفت لي شي بعيوني وشي محجوب

يدك في الماء وأنا مرتاح بالمجذوي

المواجه حصل والله يغفر الذنوب

وإنت صدرك ما ياسعني ولا يحتوي

ودي أصيح في قلبك وأسيّر وأجوب

مثل ما صاح في الدرعية إبن جلوي

مثل ما صاح في الدرعية إبن جلوي