كلمات اغنية كبار الجزيره ماجد خضير 2025

من هجوس لها فالمواقف حظور

من شعور الفرح تنظم أبياتها

وشاعرً عند ربعه ماجاله ظهور

ماينومس حظوره بحفلاتها

وفي قرانك يامرشد يزيد السرور

اجمل ليالنا واسعد اوقاتها

ليلتك نورها غير عن كل نور

ليلةً ريحة العود نسماتها

انت نادر بجيلك ووافي شبور

وكلمة لسانك فعولك اثباتها

ياعريب الخوال وعمامك صقور

بالموقف تنومسك هداتها

بأسم ربعك نرحب بصوت جهور

والكرم والمواجيب عادتها

مرحبا من غلا ومن رحابه صدور

ياضيوفً لفت عد خطواتها

ياولد هيلعً له ثقل وله دور

وله يمنى كما الغيث مداتها

محمد اللي بطيبه شهّر ومخبور

من كرم نفسه ومن صفى ذاتها

ذخر عود وفيً مايخون ويبور

من كبار العظيلات ودهاتها

مرشد اسمه نحت فوق صم الصخور

وسيرته بأطيب العطر نفحاتها

صيته ان حل ينهى كبار الامور

ينهي أكبر قضيه من قضاتها

ركن لمطير شوره عن الفين شور

دايم مجمل وفوق هقواتها

جعل ماصابه يزيد اجر وطهور

يامجيب لعبادك ودعواتها

وربعي مطير حاضر وماض العصور

من كبار الجزيره وسادتها