كلمات اغنية كف الغمام ماجد خضير 2025

جيت الطويل اللي تصافح قمته كف الغمام

صفق الهواء لو يركد اظن السحابه تحضنه

قبل زوال الشمس قبل الليل يسدل بالظلام

عديت في راس الحجا والحرّ هذا موطنه

بيني وبين الذات جلست صلح وتعوّد خصام

اطلق سراح المتهم ، والمدعي ظلم اسجنه

واثر المحامي مشتبه يشر عليه الاتهام

والقاضي اخطاء فـ الحكم والذمب مايبرا منه

مامرت الذكرى القديمة بالخفا عابر كرام

ماكنها الا تفتق الجرح القديم وتطعنه

احلام عمري بالسماء طارت مثل سرب الحمام

حتى الشغف صار يتلاشى كل مانكبر سنه

نحاول نعيش بهدوء ونحاول نعيش بسلام

حتى لواني بالزمن شفت الغثاء والملعنه

ماعادلي رغبه وشفً في طواريق الغرام

ومعاتب الاحباب وملاحى الغزل ولا لحنه

محتاج لي سجه واجازه واستريح من الدوام

اسج في وساع الدروب ورزقي الله يضمنه

ان جيت في جوً سقاه الوسم ولارحت شام

والله ماغبط اهل المناصب والرتب والسلطنه

يالله بنوً يشمل اجواء المملكه وبشكل عام

يربط شماله مع جنوبه وايسره معَ ايمنه

رسايل الارصاد تعلن عنه والتحذير هام

على المواطن يلزم الراحه ويلزم مسكنه

ياخذله اسبوعين رحمه لاعذاب ولاهدام

البرق يقبس فالسحابه والرعد له دندنه

هذا الدواء للقلب والام المفاصل والعظام

خل العياده والطبيب وصفته ومسكّنه

واقلبي اللي في ضلوعي مايجي كيلو قرام

يشيل حملً مايشال ولاتغيّر معدنه

حنى بياض قلوبنا طاهر مثل لون الحرام

والله مانظهر حسد لناس ولانبطنه

رفقينا لاحتاجنا له اولويّه واهتمام

ناقف على شانه ولانقصر بواجبنا عنه

يوم الردي فعله مثل وجهه وممسوح بيدام

وجيهنا ماهي بمنشفة الجهل والمصبنه

الضحك والتنكيت لـ احمد حلمي و عادل إمام

ولاا الامور المفصليّه نعرف اللي نزبنه

اللي يمينه تعتق الارقاب من حد الحسام

عون السجين اللي يشوف الموت ويشيل كفنه

من روس حمران النظر ربعي متيهة الجهام

بندر ولد مقبل فعوله مثبّته ومبرهنه

عند النشاما شاربه مفتول في كل المهام

والله مايبخل بوقفاته وجاهه وصحنه

ترفع لك البيضاء يابو بارع معزّه واحترام

الصيت ماجالك مصافيط وهديّه وحسنه

انته سفير اهل الثلاث مطير ذربين المقام

السامي اللي سيرتك صارت حديث الالسنه

انت الرفيق المعتبر وانت السند وانت الحزام

وانت ابن عمً نفتخربه والجزاله ديددنه

من حط كفّه في يمينك والله انه مايضام

يبشر بعزه والامور مقمبعه ومدخنه

هذا الصحيح اللي نواجه فيه بياع الكلام

الحجه اللي تفلجه واثابتها اللي يغبنه

المدح لطيّب وغير الطيب والطيّب حرام

لاترخصون الشعر ياشعار ويضيع ثمنه