كلمات اغنية لا تحزن ماجد خضير 2021

عزيز النفس لا تحزن ترا كل الدروب وساع

ظروفك تطلب الحاجه ونفسك ترفض الذله

ولا تشكي لي اوجاعك ترا عندي من الاوجاع

لو انها تدخل بصدرك تبي تخرج من المله

تمسك ب اخر ايمانك ولو راحت ثلاث ارباع

ترا اللي عزه التوحيد .. شاف الله عزٍ له

صلاح الدين بـ ايمانه خذا قرضابه القطاع

على صهوة جواد الحق جاء للقدس واحتله

وسفينة نوح فالطوفان لو طافت بدون شراع

هي بترسي بـ امر اللي يعقد الحبل ويحله

تبي تصبر مثل ايوب لاشفت الزمن خداع

وتبي تفرح مثل يوسف لاشاف العفو واصّله

مدامك تفعل المعروف لا تحزن لامنه ضاع

ترا المعروف مايمحق لا سويته لوجه الله

وانا ما اقصر دروبي ولا اجنب عن الاسناع

مدام مطير هي ربعي وانا من صلب عبدله

لو ان قلبي يحطونه على نار الحديد وماع

مايسكن صدري الضعف ولا تدخل قلبي الذله

نضج عقلي من الايام واحداث الزمان صراع

ياراسي من عنا التفكير تمشي لك على مله

عساني عند هقوات الرفيق الطيب الفزاع

واجي من فوق هقواته واكون قريب لظلّه

منافعنا ورا الرفقه مثل نفع المطر للقاع

يازين الصيّب النافع لامنه جاك في حله