كلمات اغنية مدح النشامى ماجد خضير 2025

يا هجوسي طلبتك وانت راعي جميل

وافي في لزومك كان حان الوعد

خابرك ما تجيب الا الفريد الجزيل

هات شرد القصايد والبيوت الجدد

المهمة مهمة وانت نهجك فضيل

انت مدح النشامى نهجك المعتمد

حاشمك عن ضعيف الرابعة والبخيل

عن جبان اليا ضاقت ما فالحمض احد

امدح الطيب اللي يعشق المستحيل

واصبح اسمه كبير ومعتمد ف البلد

صاحبِ معدنه صافي ورجل نبيل

ما يخون الرفيق ولا يبور العهد

جعل يفداه خبل يوم زاد الحصيل

للرفاقة تنكر وانتحى وابتعد

وجعل يبقى ويسلم رأس بدر الكحيل

والله يكثر من امثال وجه السعد

المناصب ما خذها بين يوم وليل

جات عقب الكفاح وعقب فعل يعد

ويوم جت له ما جاها مثل عابر سبيل

قام وانشأ المباني وابتكر واجتهد

وصار لأسمه شموخ وصرح ما له مثيل

وبوفاه وفعول الطيب كلن شهد

لين كل تباهى بالشجاع الاصيل

يوم غيره نحسبه تكملة للعدد