كلمات اغنية مقدم العتبان ماجد خضير 2026

مقدم العتبان 

تلوح البروق وتكشف الليل ياعربان

نعد الصحيح وهاتو اللي تعدونه

كثير الكلام ومدّعي حنكت الرهبان

ليا ساقكم طيش الجهل لاتلومونه

لقا راس لاكن مالقا فيه غير لسان

غواكم رجيمً بينكم يفتل قرونه

مدحتو فعل جحدر وسبيتو السلطان

ماقلنا له اللي صار ياللي تقولونه

مدايح ضعيف الرابعه ذنب لاغفران

عسى الله يبيد اللاش واللي يعبدونه

وانا شاعرً في ساحت الشعر شاني شان

بعد غبت قالو غاب الابداع وفنونه

لي أيام أحضّر رجعتً تعدل الميزان

على الساحه اللي جوها باح مكنونه

الاعذار واجد لا تجاهل ولا حقران

ولاوالله تساق لسيّد الطيب وركونه

ابمدح وبا اسرف وارهج القاف والميدان

واعن الفرايد وابدع الشعر لعيونه

هذا زحلً ايحط الصعايب على النيشان

لاصعبت على العرّاف عرّاف ينصونه

فهد بن سعود ابن الفهد ترثة هميجان

مديحه يزيد الشاعر ويطغي لحونه

ماينضام زحلً فعله يشرف العتبان

ومشعل حزامً يدحم القوم من دونه

ولد شيخً فعوله كما الصيّب الودان

يعين الفقير وعون من ودهم عونه

بذل حاله وماله على واجب الضيفان

من الطيب يطبخ راسه وتقدح عيونه

يمينه تمد الطيب وتبرك القعدان

وفعله يشرف والقبايل يعزّونه

ابن عمً مجمل بني عمه العتبان

ونعمين عقب اسمه لاطروه مقرونه

ليا صعبت الشغله تقدم وسيع بطان

يحل الامور بكلمتً من تليفونه

اسعود الفهد وسعود للمضدهد مزبان

فتح مجلسً كل النشاما يدلونه

تراحيبه قناد وسعاطير للضرمان

عوايد ياحصن الطيب ومثبت ركونه

على حفلك اسوق الفرايد ونا طربان

ولا فيه صعب الا لبو سعود ياهونه

هلا مرحبا ترحيبتً تعدل الميزان

من الوادي المشهور لووشم وحصونه

هلا وارحبو في حفلت معزب الشيخان

بااسم من لهم قام الفخر يسرد لحونه

حماميد وكتاب الكرم بسمنا عنوان

لنا المجد في نجد العذي ثبّت حصونه

حماميد وكتاب الفخر بسمنا مليان

لنا المجد في نجد العذي تكشح سنونه

تواريخ ماجتنا جمايل ولا سفطان

بحدب السيوف وشذرتً دوم مسنونه

دهات الحروب ومقدم عتيبه الفرسان

هل الفزعه اليا جا الخطر مانثنو دونه