كلمات اغنية هبوب البراد ماجد خضير 2026

هبت هبوب البراد وزان جو القصيد

وبحور الابداع سرتني وسريتها

اخيل برقً يلوح وضوح نوره بعيد

على ديارً تونسني ليا جيتها

يالله بوسمً يعم بنفعته كل بيد

في ساعةً ننتظرها حسب توقيتها

وسمً هماليل وبله كل ليله تزيد

وبرحمتك يحيي الارض وسباريتها

هذا ترا شف بالي والقديم الجديد

واصدق مشاعر من الخاطر تمنيتها

وخوة رفيقً على يمناي اعده عضيد

ماهيب خوة مصالح ينهدم بيتها

شروى ابلج عن دروب المرجله مايحيد

وقدره تعلى النجوم اللي سطع ليتها

اسمه لحاله لاعديته مايحتاج ازيد

يجمل بيوتي اللي فيه سويتها

هذا محمد ولد ناهض حزام ً جويد

من اطيب دهاة روق ومن نعاتيتها

افخر واماري بفعلك يامحمد واشيد

ياحي طاري فعولك كل ماوحيتها

منصى وركن القبيله فالنهار الشديد

وجمايلك لو بعددها ماوفيتها

لاثقلت حمول متنك قلت هل من مزيد

وتحقق المستحيله لاتحديتها

ياذخر عودً كريم مايمد الزهيد

وعلى وصاته دروب الطيب ماخطيتها

ذخاير اللي لهم هيبه ومجدً تليد

ومن عزوة فالجزيره ذايع صيتها

اسم السياحين له طاله وفعل مجيد

واماري بقرنة الروقه لاعديتها

سيحاني وفعلك مشرف ورايك سديد

هامات الامجاد بعزومك تعليتها

قنيت وضحً لها رونق وزين فريد

وعلى نظرك البكار المرع نقيتها

من دونها ترخص ريالك وتفني الرصيد

وفي مراحك النادره بالكاش ضويتها

تدجر على صوت راعيها وطق اللبيد

وان درهمت تهبد الارض وعفاريتها

نوادر ماقناها زيد ولا عبيد

وفيها من اطيب زمول البدو هديتها

تستاهل المدح يامحمد واكرر واعيد

ياحي طاري فعولك كل ماوحيتها