كلمات اغنية وارثين المكارم ماجد خضير 2025

وارثين المكارم

اللحون القديمة في سماها شعني للكتابه شعني

وابتدا هاجس الشاعر يغني جديده لين جاكم جديدة

جيت أوقف لخالي و أحتفل به و أغني باسم سلطان اغني

وان وقف للهلا والرحب سقت القصيدة أرحبي يا قصيدة

مرحبا باسم ابو سلطان والنجر دني لا أقبل الضيف دني

عادةٍ في خوالي نار جودٍ وقيدة فالمكارم وقيدة

مرحباهم تعانق كل ضيف امتعني لـ اللزوم امتعني

لـ احتفال ابن خالي وابن خالي وليده فالمواقف وليده

جيت يا صاحبي سلطان ابارك و اهني جيت ابارك و أهني

وأدعي الله يبارك لك و ليله سعيدة فالحياة السعيدة

قلتها في زواجك واسمع القاف مني تفهم العلم مني

من عمام وخوال عروق طيبك وطيده فالمفاخر وطيده

يكفي انك ولد رجلٍ صفاته دعني للمدايح دعني

هو عضيدي لا شان الوقت وانا عضيده سِعد من هو عضيده

اتنومس بخالي فالسواليف عني ردوا العلم عني

عقب اللي على خاله ما ينبض وريده وخسارة وريده

وانت جدك جميل أوصاف جدك خذني في سماها خذني

ذاك جدي سنام الطيّبه من رصيده والنعم في رصيده

وانت جدك عوض وقت الحميّا ما كني فالجمايل ما كني

ذاك عمي وسيع العرف وانته حفيده أفتخر يا حفيده

حسن الأخلاق فالطيب فخرها يِعّني لا أقبلت به يِعّني

والله انه بعد موته يسمى فقيده واشهد انه فقيده

المرااجل ثناها ما يجي بالتمني فعل ماهو تمني

تنحصر فالكرام أهل العلوم الحميده كاسبين الحميده

وانت من روس قومٍ فاللقى ما توني خصمها اللي يوني

مجدهم راس عيطا والقبايل شهيده والليالي شهيده

مجد حمر النواظر عرق ماهو تبني ما نحب التبني

وارثين المكارم لين صارت عقيدة فالمطيري عقيدة

قلتها و انت كفوٍ فيك ما خاب ظني ثابتن فيك ظني

كن ربي عَصَمْك من الردا و النقيده ما تجيب النقيدة

يكفي انك ولد خال احتفل به و اغني في زواجك بـ أغني

وأدعي الله يبارك لك و ليله سعيدة فالحياة السعيدة