كلمات اغنية ثعالب المكر مازن الذيب 2022

ثعالب المكر

ياقدرة الله عد شي بالسماء مأوى

ماالأرض ماعد بهاالا الظلم والقسوه

ظروف ذل الأسد من هولها واعوى

والطاهش أيتم عياله وأكل اللبوه

والليل طول وصبح الحق ماضواى

والعين نعساء وطرفي ماغفئ غفوه

وبعدها قال اخو صباح مايرواى

ذي ماشرب دم خصمه معتني عنوه

الصبر عند الغضب من شيمة الاقوى

وقوة الله ما بش مثلها قوه

مايقهر الذيب الا كلب لااا. أعواى

ولا يطيح الجواد الا من الكبوه

ماتستويش الرجال به ناس ماتسوى

والوقت يثبت من الرجال و الرخوه

لا تظهر الطيب يامخفي لنا القسوى

لو نسكب البحر ماعد يملي الدلوه

تغير الوقت والعاقل رجع يغوى

وصارو اهل الرذاله للبلد قدوه

والقبيله سايبه و ابوابها بهوى

ولا حدا اهدالها حتى قلص قهوه

حنين قلبي حنين الرعد لا دواى

كبدي عليله و صدري كاتم الدوه

الله يرحم عمود البيت للمثواى

رحل وخلف وراه العز و النخوه

لا احياهم الله بالدنياء ولا قواى

ذي مايهمو كلام الناس والخزوه

بلاهم الله حب القرش والبلواى

يبيعوا الحر في تخزينة العشوه

ماحد فعل مثل مافعلوا ولا سواى

ذي لا سعوا بالصفاء يغتابوا المروه

ثعالب المكر ربي لززهم وازواى

وشيخهم والطمع مخبي بالزووه

مازلت واثق وعزمي كل يوم اقوى

ماضي بشرعي ودربي واثق الخطوه

باوصيك ياصاحبي لاقلبك اتكوى

وباطل الناس سبب داخلك فجوه

ابعد عن الشوم لا ينقل لك العدوى

ان جاتك اليوم ولا باتجي غدوه

بقدرة الله باتصفى لنا الاجواء

وتشرق الشمس بعد الغيم والهجوه