كلمات اغنية راية الحق مازن الذيب 2024

راية الحق

الله الله ويش الوقت خبئ علينا

الله الله ويش أروى لنا من روايه

اختلفنا وهم ضنوا خلاص انتهينا

ما درو إن عاد احنا بخط البدايه

كلما ضنوا إن أحنا انتهينا بدينا

العزايم دبل والصبر ماله نهايه

بالدلاء بالدلاء ماهو لنا بايجينا

مايزور الطبيب إلا عديم الوقايه

نختلف نتفق ماللمخاليق فينا

مايجي من وراء الحساد غير الوشايه

مارمتنا العداء يابندقي ماارتمينا

غير من ذي عطيناهم دروس الرمايه

كم زرعنا بذور المعرفه واعتنينا

للآسف ماجنينا إلا أشر الجنايه

انخدعنا واخذنا التجربه واكتفينا

واتعظنا بما فيه الكفايه كفايه

ماهقينا نشوف أصحابنا عاذلينا

وإن الأخلاق والطيبه وراهن حكايه

ماهقينا الضنون السيئه ماهقينا

ماهقينا العجايب في زمان الغوايه

وأنت يامنتظر لسقوطنا ما حيينا

عاد بانصمد أطول من عمر كل غايه

كيف نسقط على يديك تبت يدينا

حيث و أحنا برحمة ربنا والعنايه

لا تدور خفايانا وعن مالدينا

ماانت لاقي سوا رايه علت كل رايه

راية الحق ذي عاشو بها والدينا

والنقاء والإباء والمعرفه والهدايه

والقسم لو نبيع ارواحنا واشترينا

من دمانا حياة العز قبل الوصايه

ماخلقنا على باطل ولا به رضينا

يشهد الله مولانا ونعم الولايه

كبر فرعون ذي خلاه يعصي نبينا

قد جعل صاحبه للناس عبره وايه