كلمات اغنية انت وينك مالك الهريسي 2020

كل ماقلت انت وينك

قال انا قدام عينك

والبشر بيني وبينك

لاتثورهم علينا

قال احبك قلت احبك

قال وربك قلت وربك

ياحلو جرحك وطبك

لايموت الشوق فينا

اعشقك واعشق وصوفك

بس ماداني ظروفك

لاتعذر قبل اشوفك

اجبر بخاطر حدينا

عشقنا عشق السموه

ماطفت الايام ضوه

ولا نتنازل عن علوه

نعتليه ويعتلينا

آصعب آيامي بدونك

حالتي تبكي عيونك

قلبي وعيني يبونك

لاتحسبنا نسينا

العمر لو هو نشيده

انت لي بيت القصيده

كل يوم ارجع واعيده

وش خذينا وش عطينا

والله اني مانسيتك

كل يوم امر بيتك

واشهق ب اسمك فديتك

وقصراكم خابرينا

جيتلك والراس شايش

ماطمرت مع الدرايش

انا ميت وانت عايش

كان ترضاها رضينا

علني والا عساني

اظفر بشوفك ثواني

يابعد كل الاماني

ل متى ترجف يدينا

ضيقة الصدر الشمالي

من سببها ضاق بالي

لاتغلى وانت غالي

كل ذكرى تحترينا

ارجع ل صدري وضمه

لاتفكر ب ابن امه

شاعرك خاله وعمه

لا اعتزى حضنن حصينا

طاعتك واجب عليه

كنها امر العسكريه

لاكتيبه ولاسريه

امرك النافذ علينا

الوصل ريشة عبادي

لاعزف يكسر عنادي

والجفا سجن إنفرادي

ينتهي كل مااللتقينا

الوفا راح ونسانا

من عقب صادق وفانا

ليه مدري وش بلانا

ياوريث الاكرمينا

من فقدتك ضاق صدري

الا والله مات صبري

مانفعني كبر قدري

كل ماضقنا سرينا

انت مني وانا منك

غصب عني وغصب عنك

تدري وش كني وكنك

مانشيت العاشقينا