كلمات اغنية آل خميسه مبارك الدوسري 2025

يا هاجسي هات الجزايل والفرايد والحصيل

من راسٍ يلبي الندى والنادرة يعنا لها

مالك عذر يا هاجسٍ ماتارد الا ع الجزيل

عقّب صبيٍ ما رتكى للكايدة واشتالها

في مبارك العكرد راع الطالات والفعل الجميل

شيخن يفك معقّدات المعضله واحبالها

يمناه تندى بالكرم تذبح مع الحشوان حيل

يا حي يمنىً ذي مواريها وذيك افعالها

ما يشبه بفعله سوى نجْم الجدي ولا سهيل

حاش المراجل كلها من جالها لا جالها

نسل ال خميسة هم هل الردات والسيف الصقيل

روسٍ دهات تنومسك بافعالها وابطالها

صوارمٍ ما خلْق فيهم لا جبان ولا بخيل

تقدم على الطاله وتِرخص حالها واموالها

من ال سعْد المفخرة سعد الخوي كالسلسبيل

وسمٍّ ذحاحٍ للعدى يا ويل من عادى لها

هم محتمين البل ليا من هاب مختفّ الشليل

في ظلهم ترتع جنوب الارض ولا اشمالها

امن اقحطان اهل الوفاء والطيب مزبان الدخيل

محزم ظفر ماينثني في المعركة خيّالها

جمْع قحطانن يردع العيّال ويشيل الثقيل

وافي على طول الدهر شيبانها واعيالها

وفيك الفرايد يالسنافي مالها شكل ومثيل

اطرب لها واسوق لك يا الهيلعي فنجالها

ياحيها دار اقحطان الطيب والجو العليل

تثليث اهي دار الفخر وفخر بعد برجالها

حبي لهم حبن على وضح النقاء مافيه ميل

اهل الجمايل والوفا الله يجمل حالها

ايه انت يامبارك عسى عمرك علا الدنيا طويل

جبت الْك عصما وافيه بامثالها واجزالها