كلمات اغنية اخر عبوري مبارك الدوسري 2025

اخر عبوري

الله على اللي شوفته تشرح البال

وصوته يداويله جروحن دفينه

مولع في حبه على كل الاحوال

انا فدا وجه وعمره وعينه

اللي بنا له داخل الروح منزال

صوته على دقات قلبي سكينه

تاخذني الاشواق يمه ولا زال

اشبك يديني بين اصابع يدينه

عيني مايملاها بعد زولك ارجال

انت الغلا والناس وانت المدينه

اول بداية دربي ولا بك جدال

واخر عبوري في الحياه الرهينه

انت الوطن ليّه وتحقيق الامال

وانا معك في الوقت زينه وشينه

الناس واجد غيرك الوان واشكال

لاكن قلبي حافظك والدينه

حبي وحبك تنضرب فيه الامثال

ويعزف على اوتار القلوب الحزينه

ياسيد الاحباب وياكل الاجيال

ايام عمري معك دايم ثمينه

انته لحالك والبشر كلها لحال

واللي يعذرب فيك ماسمع رطينه

تبي الحقيقه عاد ياطيب الفال

قربك حياه وبعدك اكبر غبينه