كلمات اغنية الحلم مبارك الدوسري 2022

في منامي شفت لي شخص ٍمعين

شفت غيره بس غيره ماعناني

شفت لي عمهوجةٍ والعود لين

عودها يشبه عويد الخيزراني

شكلها بديارنا ماهو يعين

من بحر جيزان الى ساحل عماني

فرقها بين العذارى فرق بين

مثل فرق الجدي وسهيل اليماني

قلت يابنت ارحمي القلب الحنين

لاتجرينه مثل جر السواني

كل ما حاولت بدله واتدين

عرضوا بالماء علي وانا ضماني

قالت ان الشيب في وجهك مبين

لاتورط بالهوى والحيل واني

عارفينك زين حتى لو تزين

تظهر بشياً وعندك شي ثاني

قلت لا لا مامعي غابي وبين

ماعلى قلبي يقوله لش لساني

غير شياً مرني ماهو بهين

منه طلع الشيب فيني في ثواني

الرجاء لاتنبشي الجرح الدْفِيّن

من فريقا غالياً حزنه كواني

لين جريت العوى غابي وبين

وشتكيت لكل من جيته وجاني

تركي مافات في ذاك الزمين

لاتزيدي الجرح ياصافي الثماني

قالت ابشر لاتضايق غير هين

والله اني لك على منته تباني

والسموحه كان انا بحت الكنين

لين هيظتك وجريت المغاني

سالف الدنيا كذا خلك فطين

والصبر مطلوب والله المستعاني

قلت انا متصبر وقلبي ارزين

لين خلت البارق اللي جاء وزاني

كنت احسبه قبل مايقرب هوين

يوم قرب عودت عشري ثماني

وانتهى حلمي ونا قلبي شجين

من يفسر لي ويعطيني المعاني

بعد ذاك الحلم مدري ويش اعين

كل شده جعل تاليها فهاني