كلمات اغنية ثوعار قومه مبارك الدوسري 2024

مــدح النشامــا يعتــبـر مـثل البشاره..

والشعر قــافه ينعــدّل ويطيب كيـفـه..

بالذات كـفو الـناس لو يمســي خياره..

سـيل القوافــي جــاك يتزايـد رديفـه..

وسـعيد بـن سـالم خـذا كل الصـداره..

ومـكانـته فـــوق الشواهيــق المنيفه..

حــاز المراجـل من يمين ومن يساره..

ومــواقفــه تأتــي مخارجـها شريفـه..

عنــد الحـكومــه له مكانه واعـتباره..

لانــه نـزيـه وراعـــي النفس العفيفه..

للحـــق عـيـنــه كــلما يصــدر قـراره..

أبــداً ولا كــانــت بـنظــرتها كفــيفـه..

رجــل المروه والاصـــاله والجـساره..

هـامــه ومرجــع للثقيلـه والخـفيفـه..

وعلــى المكـارم دائــماً معمــور داره..

عــادات له وعوائــده إكــرام ضيفـه..

ذا بــن قهــور وشل عـزه عن جداره..

بسيـوف مسـنونه وحــــدتها رهيـفه..

إذا رمــــى ما تـاه أو ضيّــع مـسـاره..

صـاب الهدف ماكانت الرميه طفيفه.

.

ثوعــار قــومـه يثبتوا فـي كل غاره..

وافـعـالهم تشهــد بضربتـها المخيفـه..

أن ولعـت يــــوم الملاقــى بالشـراره..

كــانــوا لها وردودهــم تأتــي عـنيـفه..

مهــره وللمهــره خبــر فــي كــل قاره..

والعـلـم بايـن بالوثائـــق والصحـيفـه..

مايعــرفــوا الريـبـه وذلـه وانـكســاره..

شجعــان ماصــارت عزائـمـهم ضعيفه