كلمات اغنية زين الصباء مبارك الدوسري 2025

ياليل العناء هونك على الضايق السهران

ترى مابقي من شين الافكار ماجنه

وترى القلب روح في خابر ماضين قد كان

غدت به سكاكين الهوى لين صابنه

وحدتني طعون الحب في جرت القيفان

اجر الونين وتردف الونه الونه

على الله بشكي ثم بنخاك ياعطران

من الي خذا قلبي وعناه ماحنه

جفول جماله مابعد خلق في العربان

عليه الجمال اليوسفي خلق منغنه

حداني على درب العنى قايد الغزلان

اسوق القدم صوبه وانا علتي منه

اجي في دياره كن عندي لزوم وشان

وهو لازملي لازم.. الفرض لسنه

يازين الصباء كيف الهوى يغلب الشجعان

وهي تشرب الموت المصفى وتاطنه

لهبت الضماير لهبت الذل والحقران

مثل مالهب حدب الوطاء لاهب الكنه

عليك الفكر يلهب مثل لهبة النيران

وعليك الصدر يقرع مثل قرعت الشنه

ترفق على قلبي ترى العقله جاه جنان

خطير لابيع العمر وشن لي شنه

لاتسمع عذول يعذل وخاطره طربان

ترى نيته يغويك بالشين والعنه

وعسى من حداني من وليفي وانا ولهان

تمره صواديف الدهر لين تحدنه

وعسى العاذل الي ينوي يفرق الخلان

يحرمه جليل الملك من ريحة الجنه

بدعت الشعر والقاف وصوت للفنان

وترى المنشد المبدع يزيد الشعر فنه

واليا وحيت صوتك يامبارك ونا شفقان

اتل البريمي والغضي مانقصر عنه