كلمات اغنية تخطيت محسن ال مطارد 2025

الحمدلله من غرامك تخطيت

واصبحت من بعدك ترى انسان ثاني

صحيح من هجرك تعبت وتأذيت

و اداوي جروحي و اساير زماني

قلبي وحطيته على كف عفريت

وامشي بلا وجهه واضيع مكاني

والله حماني من كلام الشماميت

االي تحط العشر مثل الثماني

وشفت الحياه بزهو بعدك وغنيت

ياللي بعد فرقاي قالوا تعاني

تذوق ماذقته ونين وتناهيت

وتذرف دموعك بين قاصي وداني

اسرفت في حبك كثيير وتغليت

واعطيتك ايامي وكامل كياني

فرشت قلبي مثل ما يفرش البيت من صافي احساسي وخالص حناني

صبيت حبي في الدلال و تقهويت

ويفوح منها الهيل والزعفراني

وتخطي ولا كني اشوفك ليا اخطيت

واستقبل الزلات مثل التهاني

واعطيتك زياده على ماتمنيت

وحققت الاحلام وجميع الاماني

حطيت لك صيتٍ مع ذايع الصيت

وتطلع مثل طلعه سهيل اليماني

ضيعتها واسف على ماتهقويت

وما ينجح الخداع و لا الاناني

ماصد وان صديت صديت صديت

والمستحيل انك بعدها تراني

الحب مثل النار والشك كبريت

شبيتها خلك معاها تعاني

والحمدلله من غرامك تعافيت

وما عاد تعرفني انا انسان ثاني