كلمات اغنية سيات الهوى محسن ال مطارد 2024

غاب الغلا و انا انتظرتك و مليت

و القلب عزّل و الأمل فيك فاته

يمكن يعود ان عادت الروح للميت

و استرجع انفاسه. و كمّل حياته

اخّذتك العزه بالإثمُ و تغليت

و قلبٍ يبيك استنفذ محاولاته

كابرت و ارخصت الغرام و تخليت

قبل تشوف من العذول الشماته

توّك تقول اشتقت واجد و حنيت

الله يعوّض خاطرك في أمنياته

تبيني أسامحك مفروض ما جيت

ان كان باقي دمع ما طاح هاته

البادي اظلم وانت بغيابك ابطيت

ضريبة الإخلاص معك و زكاته

خلك تعرف بحالتي ويش سويت

هذا جزاء فعلك بسوي سواته

الحظ قصّر وانت في حقي اخطيت

سلبت من قلبي بعض ذكرياته

اتركني انا من غرامك تعافيت

و شعرٍ يخصّك ناسي معلقاته

الحب والفرقى تجي دون توقيت

مافيه شيً مستقر بــ ثبـاته

لا تنقض جروح ٍ برتّ عقب ما أقفيتّ

ولا تلزم المقفي على الـ الالتفاته

طلعت من جو المحبه و عفيت

و نسيت سيات الهوى و حسناته