كلمات اغنية لاعاد تبعد محسن ال مطارد 2024

هز الخفوق لطاري ن كل ماأنعاد

شعور وأبلغ (وصف له ) كلمة (إيها)

وغلا لشوق ن له وصال ن وميعاد

ماأثقل عقارب ساعتي لي مجيها

طيفه يكفي عن حضوره والأبعاد

تعطيني في مخيلتي صورَتْه فيها

وأسمه ماهوب أيت إسم بالتفراد

المفردة ياحظها أنه سميها

فياقلب ياللي للغلا دوم منقاد

الله يلوم اللي يلومك عليها

غيبتك هي العله وهي سم الأكباد

والعافيه مني بترفع يديها

ياصاحبي لك في ضميري توقاد

نار الهوا لو أحرقتني أبيها

أيامنا من المستحيلات تينعاد

وصعب على ذاكرتي ان تنتسيها

وغلاك جيش وسط صدري له جهاد

ورايات حبك والله إن أحتميها

فإن طاحت فلاعاد ترجي لمعواد

شهيد ومات بحب من يهتويها

مشاعري لك كل يوم وهي جداد

وقلبي مادارى نفسه وهو محتضيها

حتى لوان يقسى فماهوب بجماد

والله إن قلبي أرق من لمس آديها

ترى جروح القلب مابه لها ضماد

وأنا أدري إنك ماأنت باللي يبيها

لاعاد تبعد شف ترى ان رحت تزداد

أقسى جروح اللي ماتظهر دِميها

لاقيل قصه وانتهت شفهم بعاد

حن ماخلقنا الا لجل نبتديها