كلمات اغنية الصدف محمد الرجباني 2024

ما للصدف حزه وموعد وتنبيه

مجيها ماله مكان ولا وقت

جات وجرت كنها تسوق المشاريه

وانا احتملت من المجي فوق ما طقت

مكتوب لكن للصدف عدة وجيه

أما ضحيت حظ والا توفقت

مرت بي الصدفه طريق منا اجيه

كم مرة غربت دونه وشرقت

شفته ولا صدقت عينٍ تراعيه

اللين فز القلب دونه وصدقت

دنقت خوف من العرب تلتفت فيه

ليته يحس بوجعتي يوم دنقت

شرعت جرح داعي الشوق مدميه

ياليتني ماوقت فيه وتحققت

عيفني بجرحه ولا عفت طاريه

طبت وتسامحت وتجاوزت واعتقت

ماعفت جرحٍ من يمينه وانا اغليه

الا وانا داري بوقعه الى وقت

يحدني له خاطرٍ ما يدرايه

الله يسامح خاطري كل ماضقت

اثر الغلا يأثر على حال راعيه

حاولت اكابر واتناساه واشتقت

الوقت يكفل كل جرحٍ يداويه

إلا الغلا جرحه مايبرى مع الوقت