كلمات اغنية محتاجك محمد الصقري 2022

 محتاجك

يا وقتنا يكفي عذاب

معاد فيني للغياب

حرام يا وقتي حرام

اوصلتني حد الجنون

الشوق ضيف في الضلوع

واكبر كراماته دموع

واطرف سواليفه سهام

والدم تذرفه العيون

صوته الا نادى الوه

اروح في الطوشه واتوه

ويضيع فكري والكلام

واجمع سواليفه بهون

يا غايبه عني سنين

امتى علي قلبي تجين

ويعم في صدري سلام

وتعطف على القلب الحنون

الليل والضيقه وانا

والشوق وهموم العنا

ونجوم في جنح الضلام

من كثر صدك يشتكون

تعال محتاجك ابيك

الله يرضى لي عليك

من عام ما ذقت المنام

والحال من دونٍ لدون

اسمح بوصلك يا عشير

عندي كلام في الضمير

ابيات من حب وغرام

وازفها باحلى اللحون

ان كنت ناوي بالصدود

تكفى فلا تبني حدود

ع الاقل رد السلام

يا جعل قدرك ما يهون