كلمات اغنية لك خفوقي محمد الماسي 2025

لك خفوقي تهيأ مرحبا ومسهلا

في كياني مكانك في خفوقي مديم

من غلاتك حلاتك كلّ ما بك حلا

في وصوفك ملامح ريم نادر حشيم

لك عيوني جنوني لك غلا ومنزلا

في خفوقٍ يحبك هام فيك ويهيم

من جمالك دلالك غار ظبي الفلا

ما به حدّ بخصالك وانت قلبك رحيم

لك محبّة تساوي كلّ حبّ وغلا

انت وردة بحياتي وانت أحلى نديم

سارحٍ فيك هايم قلبي ما قد سلى

ماخذ الفكر كلّه من جديد وقديم

ياحبيبي وغلاتك انت وحدك ملى

لي عيوني بزينك وانت أصلك كريم

وافيٍ لّك غناتي لك حقوق وولاء

من صميمي أحبك وانا قلبي سليم

والمشاعر جداكم شوق سيل انزلا

كلّ ما شفت زولك يالغزال العديم

في وجودك وجودي يحتفل بك هلا

وفي خفوقي حدايق من ورود ونسيم

بالمحبة المحبة راسمك من إلى

من مشاعر خواطر من يحبّك غريم

فوق هام السّحابي قدر مثلك علا

فوق قدر الأوادم وانت قدرك عظيم