كلمات اغنية وصفه جميل محمد المنهالي 2025

 وصفه جميل

جميل و وصوفه جميله

فايق على الخفرات و الخود

فارق على منهم بجيله

بالزين عنهم ماخذ الزود

كل المشاعر تنتمي له

دايم عليه أشواقي بزود

البدر يسري ويعني له

يسري لعينه ترف لخدود

ماخذ ملامح مـ الكحيله

شكله عديم وصدق مفنود

العود يشكي لي يشيله

وسطٍ هضيم وخصر مجلود

حتى الكعب ضافي شليله

منشول يكسي ليّن العود

جامح من الخيل الاصيله

لي بالرسن ما تاخذ القود

شوفه شفى الروح العليله

ولقياه عندي إنس وسعود

في موق عيني استخيله

و رويا خياله دوم موجود

عسى وطنه يودٍ هميله

وسمي يسوقه بارد النود

غيث ٍ من الباري فضيله

تفرح به البدوان و ترود