كلمات اغنية يوم ليلى محمد المنهالي 2024

يوم ليلي هوّد وباتي

بالكرى ما هوّدت عيني

عفت نومي مع ملذّاتي

شي في الوجدان يَشْجيني

قمت أنوح أجر بصواتي

من عناء هم ٍ مخاويني

الفكر ماله مسافاتي

بالخيال يروح وييني

ومن جلد روحي وشيماتي

أتصبّر والله ايعيني

بي من الخود الخونداتي

كاعبٍ بزين يغريني

إن تبسّم شفت داناتي

والبدر من خده يبيني

والعيون البابلياتي

اذبحتني في شراييني

نابتٍ عوده شرغاتي

أهيفٍ والخصر فتريني

الشعر متموّج وعاتي

مثل لفح الموج يلفيني

أعشقه والحب لذّاتي

لو معاناتي بتضنيني

له حياتي عمري وذاتي

في الحياة وباقي اسنيني