كلمات اغنية عشاق ليل محمد ال دلبج 2025

عشاق ليل

لاتجرحيني جرحك العام ماطاب

داوي بحنانك مامضى و إجرحيني

يالَّلي حنانك نظرةٍ بين الأهداب

ردِّي علي بعض العزا ناظرينـي

توافد الغيم قبله والهوا زمه

والتم شمل السحاب وناض براقه

وسرا رزيز الرعد في عرض ملتمه

وانساق غيث المزن سبحان من ساقه

وسريت مسرا الحزين اللي كشف همه

كثر انعزاله عن العالم ودناقه

يسوق رجله يدور للسعه يمه

لعل والا عسى يسلى تغلاقه

على الذي لا امدح وصاله ولا اذمه

لا العهد عهده ولا الميثاق ميثاقه

عشّاق ليل يحضن الهم ويلمه

على طريق اللقا والشوق وعناقه

تخالفو ف اكبر من العذل والنمه

و لا للعذر وجه لو ما للصبر طاقه

وتفارقو وآسف المتعمد مطمه

كثر الخطا لا عطا وجه العذر باقه

لو عاد نفس الطريق يضم ما ضمه

ما استوحش الليل دون الدرب عشاقه

عودت من دون درب كل ما اتمه

علقت به قلب يوجعني تعلاقه

أجنبه واتحاشى روحتي يمه

اخاف ذكراه لو اجيه بسراقه

هبت رياح الوداع اللي بلا يمه

واهتز غصن الغرام وطاحت اوراقه

غير الغلا ما بقى له شي ف الذمه

الا الله يسامحه ويسامح فراقه