كلمات اغنية قصرك المهجور محمد ال دلبج 2026

سرى البارق الي ومضته تشلع الديجور

سريع مثل عمرٍ خذا الضحك بدراجه

كتبت القصايد كلها و الصدر معمور

وذلحين ركن الحزن ابا افتح ادراجه

على الي جماله زين خدّه وزين جذور

وانا مشحن له واتوجده وحتاجه

لا تنسين يا ريم الفلا قصرك المهجور

هجرتيه مجبروه ونظرتك لسياجه

تبعتي حبيبك مثل تبع الفراش النور

وسلمتي فوادك وقفله ومزلاجه

على مجتمعنا شرهتي شرهة المكسور

كسرني وانا وافي ويمناي هداجه

فلت المحبه من يديني وانا معذور

علي الحرام اني ما قصرت في حاجه

لاكن النصيب يصيب في الترقوه والزور

يمر الضمير المشتعل يطفي سراجه

يا ليت المغني يوم غنا بدون شعور

ما غنا وهو وقلبه على الجمر والصاجه

قبل ما افقدك كنت اتغنا وانا مغمور

اعده على مسمعك ولبسك تاجه

وذلحين خليته على القارعه منثور

يمره غريبٍ ما عرف سبّة انتاجه

انا مومنن قالو له ان العوض في الحور

عوض وجهك الفاتن ومكحلك وحجاجه

هدب عينك السوداء حمامٍ يمر بحور

مهاجر يغطي بحر عينك معا امواجه

جميع الجواهر يوم ركبت على البابور

تبا منحرك بس المقادير عواجه

واذا فاز بك عقدٍ تباها وهو مسرور

مثل فرحتي يوم اختل ليلة مواجه

تغنجت في عيني سنين ماهي بشهور

سنين طبايعها على البال سهاجه

حبيبي لا تزعل قالو ان الزمان يدور

عسى دورته ترجع على التعاب علاجه