كلمات اغنية مرحبا ياضيفنا محمد ال دلبج 2025

مرحبا يا ضيفنا اللي نرحب من غلاه

عد ما لاحت بروق الوسم باقنوفها

في قدومك جات لافراح من كل اتجاه

العقل من عظمها يعجز من اوصوفها

يامحمد واشكر الله على وافر عطاه

اشرقت شمس الفرح بعد طال كسوفها

من غلا اسمك عندي ادعيه والبي نداه

جارك الله من شرور الفتن وصدوفها

جعلك من عباده الي يقيمون الصلاه

والمراجل كلها قاضبن اشعوفها

وياعساي اذوق نفعك على عز وغناه

قبل يشوى الحيل والعين يقرب شوفها

وجعلك من الي ينومس ربوعه وخوياه

بالفعول اللي الكفو فالرجال يشوفها

ما سبقك الا خواتك على القلب وغلاه

كل وحده ناحت في الفواد احروفها

ونسه الخاطر الى زادت الدنيا عناه

وجنته لا ذوقته السنين اظروفها

من يخاف الله فيهم غدو طوق النجاه

في نهار فيه الانفس تبين اكشوفها

وجيت يا مهجه فوادي ومعك القلب تاه

وصرت مع دم الشرايين تجري جوفها

صار لك في مملكه مهجتي وجه وجاه

وسلطه فارضيه قصورها واسقوفها

يوم سميتك على ابي كن عيوني تراه

اتخيل فرحته بك بكل اصنوفها

حي ذاك الوجه ليته على قيد الحياه

واسمعه يدعيك في لحظه اشوفها

والله ماغبط ساير الخلق في الكون وبهاه

لين يبعث ربي الناس عقب حتوفها

يوم عاده حي للعمر في عيني طراه

والحياه اشوفها جنه بقطوفها

وعقب فقده مالها لاطراه ولا حلاه

استوت في عيني امالها وحسوفها

كل دار سقت صوبه قدمي وذقت ماه

والليالي القاسيه شايف معروفها

يامحمد ياسمي اللي يشرف نباه

ذخر ربعه فالنوايب وريف ضعوفها

جعل تاخذ من سميك مزاياه ودهاه

وطيب نفسه في مواجيبه وفي روفها

يامحمد واستمع لي وخذ مني وصاه

ضم دينك واقمع النفس عند اشفوفها

ووالدينك مثل عينك لاياتيها قذاه

من عمت عينه ترى الموجبات يطوفها

الله الله في خواتك ترى للاخت جاه

ويش الاخو ان كان ما الاخت يمن خوفها

واهل بيتك خلهم في ظلالك في نفاه

عزهم واحلالك اكرم وقار ضيوفها

الرجل لاخوانه وكل ربعه واقصراه

ولاخوياه الي لنفعه تمد كفوفها

وللضيوف الي تنصاه طمعتها اقراه

مانصته الا من ظروفها الي تحوفها

واحترم خالك وعمك ترى الرجل اقرباه

حقهم لاول على لينها واكلوفها

ادمح الزله للادنى الى جاك بعماه

بد له من ساعه ينثني ويعوفها

ولا تجازي من تردى على بين رداه

افعل الجزله لابد الزحول اتشوفها

لو جزيته من فعوله تجي في مستواه

في السنت اللي لطيحك تحد سيوفها

ولا تخاوي اللي مع اقرابه يبين جفاه

رفقته من حفره اللوم صوب جروفها

رافق اللي تفتخر لابته به واصحباه

دايم فوق الهقاوي وفوق اطفوفها

ان بذلت الطيب عنده لقيته من وفاه

وان حداك الوقت فزعته يفرق نوفها

والردي قربه مهونه وبلوى واشتباه

واترك اللي مثل شاه تقاد بصوفها

لاوفياء تلقا وفاهم لاجا الوقت بغثاه

ولارديا تعطيك وقت اللزوم اكتوفها

واعرف ان يمناك ماتفعله تلقى جزاه

عند جلاس الاوادم وعند اوقوفها