كلمات اغنية قراري محمد ال مسعود 2018

لو طالت الايام وانا اتحراك

والله ما اغير نقطة في قراري

ولو يمّحي عقلي فلا يوم بنساك

شلون بنسى رغبتي واختياري

لحظات فكري ما تبي غير طرياك

مافيه يوم(ن)غاب لك فيه طاري

ما ودي بغيرك ولا ودي اسلاك

انت الوحيد اللي يعيش بمداري

ان غبت عن عيني تلحفت ذكراك

ذكراك تملى وحشتي وانكساري

وان شفت زولك قلت ياحي ملفاك

ومن عقب شوفك ما طرا لي طواري

حار العقل في شوفتك ما تعداك

يا احلى بنات ادم طوال وقصاري

سبحان ربي يا الغضي كيف مهداك

اسمع طرف ضحكك واتوه بمساري

يا بخته الفنجال في كف يمناك

ويا غيرتي من خاتمك والصواري

ومنهو تشبه بك عسى دوم يفداك

وش جاب راس التوب للانحداري

انت الوحيد اللي وصوفك تسماك

في ذا الزمن مالك شبيه(ن) يباري

بالمختصر رسالتي خص تنصاك

الحب ماهو غصب ولا اختياري