كلمات اغنية واجد تغيرت محمد ال مسعود 2021

حلمي

ياحلمي اللي بنيتك في سما فكري

الواقع ابدا ماعاد احتاج تفسيرك

ماودي اكشف عن اللي داخل بصدري

اخاف لا تنصدم ويخون تفكيرك

كتبت لك واختنق من الورق حبري

وجفت دموع القلم ما بان تاثيرك

من اولٍ لا تواعدنا تجي بدري

والحين ماصرت تتعذر بتأخيرك

كنت اعتذر بالنيابه عنك لعمري

واتخيلك تعتذر واقبل معاذيرك

واجد تغيرت ماعادك على خبري

شكلك ولونك وتفكيرك وتعبيرك

ماراح تلقى احد مجنون بك كثري

وانت اتمادى بتجريحك وتقصيرك

كان اهتمامي سبب في وضعنا المزري

وحذٌرتك من الكبر مافاد تحذيرك

ياكثر ما قلت لك لا تختبر صبري

لكن خذاك الغرور وضاع تقديرك

وصٌلتني مرحله ماعاد ابي ادري

ليه اتغير كذا واسباب تغييرك

ماعدت مفهوم مثل اول وذا عذري

إني اشوفك كأنك واحدٍ غيرك