كلمات اغنية أيام زمان محمد بشير 2025

أيام زمان

عم أفتح برداية عمري وحانن قلبي للي كان

دخلك رجعني يا زمن لو مرة عصباح زمان

رجعني على صوت البحرة

لما أدان الفجر يهل

وجدي عم يتوضا ودقنه البيضا بالماورد يبل

وستي جنبه ويغازلها

من ايدِك عطرِك صبِّي

وهي تقلُّو تكرم عينك ريتو زمزم يا حجّي

عم أفتح برداية عمري وحانن قلبي للي كان

دخلك رجعني يا زمن لو مرة عصباح زمان

لما الجار بينطر جاره

حتى يقلّو صباح الخير

والجارة حدّ التنور وبسمتها تطرح عصافير

ومرجوحة وبنت صغيورة

عم تنطر من ايدا رغيف

وشعرا الأشقر يحكي حكاية عم تكتبها نسمة صيف

شو حلوة لمة لفطور

كانت أمي تزيّنها

جبنة وزعتر ولبنة وزيت وشاي بنعنع تسكبها

وطاحونة بن ونارنج

ويسمينة وشجرة رمان

دخلك رجعني يا زمن لو مرة عصباح زمان