كلمات اغنية هل العوجا محمد بن جعيد 2025

ايه اعتصم يا موطني وإلعن ابليس

والعون من رب العطا والمعونه

الله كتب لك مجد ماله مقاييس

فلا تُذل ولاتجيك المهونه

حبر الكتابة في وجوه القراطيس

ما يوصف اللي شعبنا يعرفونه

هذا الولا اللي دون شِكه وتلبيس

وهذا الغلا اللي دوم تورق غصونه

اخضرت الايام يا حادي العيس

جُر الحِدا والعرش ربي يصونه

الحكم لله ثم من بعدها ليس

لال لسعود مشاركن يشركونه

لا يغلب الهُوجاس راعي الهواجيس

الملك لال سعود ويدبرونه

مع هل العوجا الملوك المراويس

نرسي بموطنا وتثبت ركونه

وإن عودت بين الرمي والمقابيس

عدونا نكحل ونعمي عيونه

واليوم نهضتنا على مثلها قِيس

في موطناً بالعز تزخر فنونه

هذا الوطن قبل يجي يوم تأسيس

الشعب يحيا فيه ويموت دونه