كلمات اغنية يا ناكر العهد محمد بن جعيد 2025

ياليـل طــال السـهر وتـلاطمـت لمـواج

ويضـوي ظــلام اللـيالي نــار وهــاجـه

وانا احتـرق قلـبي ومـن ضيقـتي هجـاج

غبـنـي عـلى حـالـتي وهـمـوم لجــاجـه

ويـلاه يا جــرح عـيـني ودمعـهـا مـدراج

وعــزاه ياشيـب راسـي في اخـر مـواجـه

أنـوح لـك مـن وجـع صـامت بليا عــلاج

ضـاع الأمـل بيـن جـرحٍ ما لقـي عـلاجـه

يا نـاكر العـهد قـل لـي ما عليك إحـراج

تـركـت ودي وخـلـيت الـوفــاء حــاجـه

خـلـيت قلـبي حـزيـنٍ تـايـهٍ فـي فجــاج

يمشـي على درب مظـلم ما لقي سـراجه

أمشـي وحيـدٍ بظـلـي ضــايـع ومحــتاج

مـا غيـر صمـتي يـرافـقـني مـع أزعـاجـه

أدور النـــور لـكــن مـا لـقيــت اســراج

علمت قلـبي الصـبر وما ينطـفي سـراجه

من خـان ما ينفـعه ومـا عـاد لـه معـراج

ما عـاد لـي فـي وصـاله شـوق أو حـاجه

وأنـا عـلى نـهــج ربـعـي ثـابــتٍ وابـراج

ما تنـكسـر عــزتي لـو شـيـدوا سيـاجـه

ما عـاد فيـني حنـين ومـا بقـى لي مـزاج

قفـلت بـاب الغـــلا واحكـمت مـزلاجـه

حـركت له جيش حـربي واقصفه بميـراج

وأثبـت فعـولي قبـل لا يعـقد حـجـاجـه

من بعـد ما كـان غــالي والـبسه لي تـاج

صار الغـلا فـي خبـر كـان وانكسـر تاجـه